Na kuch tha tu khudatha, kuch na hota tu khuda hota By Mirza Ghalib

Na kuch tha tu khud atha, kuch na hota tu khuda hota

Dabuya mujh ko hony ny, na hota mai tu kiya hota,

Hwa jab gham sy youn be-his Tu Gham kiya sar ke katny ka

na hota gar juda tan sy Tu zanoo par dhara hota 

Hwi mudat ke Ghalib mar gya par yaad ara hai 

Woh har ik baat py kehna ke youn hota tu kiya hota 

(Mirza Ghalib) 

ishq mujhko nahi wahshat hi sahi By Mirza Asad Ullah Khan Ghalib

ishq mujhko nahi wahshat hi sahi
meri wahshat teri shohrat hi sahi

qata kije na talluq ham se
kuch nahi hai to adawat hi sahi

mere hone mein hai kya ruswai
ye wo majlis nahi khalwat hi sahi

ham bhi dushman to nahi hain apne
gair ko tujh se mohabbat hi sahi

apni hasti hi se ho jo kuch ho
agahi gar nahi gaflat hi sahi

umr har chand ki hai barq-e-khiram
dil k khun karne ki fursat hi sahi

ham koi tarq-e-wafa karte hain
na sahi ishq musibat hi sahi

kuch to de ai falak-e-nainsaf
ah-o-fariyad ki rukhsat hi sahi

ham bhi taslim ki khu dalenge
beniyazi teri adat hi sahi

yar se cheda chali jaye "Asad"
gar nahi wasl to hasrat hi sahi

(Mirza Ghalib)