Koi faisla to ho ke kidar jana chahiye By Parveen Shakir

Koi faisla to ho ke kidar jana chahiye,
Paani ko ab to sar se guzar jana chahiye,

Har baar erriyon pe gira hai mera lahuu,
Maqtal main ab ba-tarzz-e-digar jana chahiye,

Kya chal saken ge jin ka faqat masla yeh hai,
Jaane se pehle rakht-e-safar jana chahiye,

Jab bhi gaye azaab-e-dar-o-baaam tha wohi,
Akhir ko kitni dair se ghar jana chahiye,

Tohmat laga ke jo maaan pe dushman se daad le,
Aese sukhann-faroshh ko mar jana chahiye..

Gaye baras ki eid ka din kya achchha tha by Parveen Shakir

Gaye baras ki eid ka din kya achchha tha

ChaaNd ko dekh ke uskaa chehra dekha tha

Feza mein ‘Keats’ ke lehje ki nermahat thi

Mausam apne rang mein ‘Faiz’ ka misraa tha

Duaa ke be-aawaaz, uloohi lamhoN mein

Woh lamhaa bhi kitna dilkashh lamha tha

Hath uTha ker jab aNkhoN hi aNkhoN mein

Us ne mujh ko apne Rab se maaNgaa tha

Phir mere chehre ko haathoN mein le ker

Kitne pyar se mera maatha chooma tha!

Hawa! kuch aj ki shab ka tu ahwaal suna

Kya woh apni chhat per aaj akela tha?

Ya koi mere jeisi saath thi, aur uss ne

Chand ko dekh ke us ka chehra dekhaa tha?

(Parveen Shakir)

Ghumaan by Parveen Shakir

Ghumaan

Mai kachi neend mai hon

Or apny neem khawabeeda tanafus mai utarti 

Chandani ki chaap sunti hon

Ghumaan hai

Aaj Bhi shaed

Mery mathy pe tery lab

Sitary sabbat karty hain 

(Perveen Shakir)

Qurb K Na Wafa K Hote Hain By Faiz Ahmed Faiz

Qurb K Na Wafa K Hote Hain

Saray Jhagray Ana K Hote Hain,

Baat Niyat Ki Sirf Hai Warna

Waqt Saray Dua K Hote Hain,

Bhool Jate Hain, Mat Bura Kehna

Log Putlay Khata K Hote Hain,

Wo Bazahir Jo Kuch Nahi Lagte

Un Se Rishtay Bala K Hote Hain,

Wo Humara Hai Is Tarah Se Faiz

Jaisay Banday Khuda K Hote Hain.

(Faiz Ahmed faiz)

Har ik baat py khty ho tum ke "tu kiya hai?" by Mirza Ghalib

Har ik baat py khty ho tum ke "tu kiya hai?"

Tumhi kaho ke yeh andaaz-e-Ghuftagu kiya hai

Na Shuele mai yeh karishma na berq mai yeh ada

koe btaw ke woh shokh-e-Tund khu kiya hai

Yeh rishk hai ke woh hota hai hum sukhn tum sy

Wagrna khof-e-bad Amozy-e- Adu kiya hai

Chipak raha hai badb par lahu sy pirahn 

Hamry ja'eb ko ab Hajit-e- rafu kiya hai

Jala hai jism jahan, dill bhe jal gya hoga

kureedty ho jo ab rakh, justaju kiya hai

Ragon mai dorny phirny ke ham nahi qa'el

Jab ankh sy hi na tapka tu phir lahu kiya hai

(Mirza Ghalib)