Qurb K Na Wafa K Hote Hain By Faiz Ahmed Faiz

Qurb K Na Wafa K Hote Hain

Saray Jhagray Ana K Hote Hain,

Baat Niyat Ki Sirf Hai Warna

Waqt Saray Dua K Hote Hain,

Bhool Jate Hain, Mat Bura Kehna

Log Putlay Khata K Hote Hain,

Wo Bazahir Jo Kuch Nahi Lagte

Un Se Rishtay Bala K Hote Hain,

Wo Humara Hai Is Tarah Se Faiz

Jaisay Banday Khuda K Hote Hain.

(Faiz Ahmed faiz)

Mujh Sy Phli Si Muhabat Mery Mhehboob Na Maang By Faiz Ahmed Faiz

Mujh se pehli si muhabbat mere mehboob na maang
Mujh se pehli si muhabbat mere mehboob na maang

Maine samjhaa tha ke tu hai to darakhshaan hai hayaat

Tera gham hai to gham-e-dehar ka jhagdaa kyaa hai

Teri surat se hai aalam mein bahaaron ko sabaat

Teri aankhon ke siwaa duniyaa mein rakhkhaa kya hai

Tu jo mil jaaye to taqdir nigoon ho jaaye
Yoon na thaa maine faqat chaahaa thaa yoon ho jaaye

Aur bhi dukh hai zamaane mein muhabbat ke siwaa
Raahatein aur bhi hain vasl ki raahat ke siwaa

Anginat sadiyon ki taareeq bahemaanaa tilism
Resham-o-atlas-o-kamkhwaab mein bunvaaye hue

Ja-ba-ja bikte hue koochaa-o-baazaar mein jism
Khaak mein lithade hue, khoon mein nehlaaye hue

Jism nikle hue amraaz ke tannooron se
Peep behti hui galte hue naasooron se

Laut jaati hai udhar ko bhi nazar, kya keeje?
Ab bhi dilkash hai tera husn, magar kya keeje?

Aur bhi dukh hai zamaane mein muhabbat ke siwaa
Raahatein aur bhi hain vasl ki raahat ke siwaa

Mujh se pehli si muhabbat mere mehboob na maang

Mujh se pehli si muhabbat mere mehboob na maang
(Faiz Ahmed faiz)